Во Сиднеј запленети 1,2 тона екстази,

Австралиската полиција денеска заплени 1,2 тона екстази во најголемата годинешна акција за заплена на дрога, при што се уапсени и обвинети двајца полски државјани.

Уличната вредност на запленетата дрога полицијата ја проценува на 110 милиони американски долари, јавуваат француските медиуми.

Уапсените Полјаци, на возраст од 28 и 29 години, се обвинети дека дрогата ја скриле во товар со алуминиумски лимови, увезени од Чешка.

Врз основа на дојава дрогата била пронајдена во стовариште во Сиднеј.

Доколку преземете содржина од оваа страница, во целост сте се согласиле со нејзините Услови за користење.