Во синоќешните нереди во Собранието повредени над 100 лица

Безбедносната состојба во централното градско подрачје во Скопје,  околу и во Собранието од ноќеска по полноќ е нормализирана со воспоставување на нарушениот јавен ред и мир, информира Министерството за внатрешни работи.

Според информациите на МВР, во протестите се повредени 109 лица.

Собрание протести

Како што стои во соопштението, до 23.30 часот во Градската општа болница 8-ми Септември, Градска болница „Св Климент Охридски“ и Клинички Центар лекарска помош побарале 70 граѓани, 22 полициски службеници и тројца  пратеници. Дополнително во Касарната Ѓорче Петров лекарска помош укажана е на уште седум лица.

Собрание повредени

Од МВР наведуваат дека поради претходната безбедносна состојба МВР-СВР Скопје ќе преземат дополнителни мерки и активности со цел заштита на сигурноста на граѓаните, објектите и обезбедување стабилна и поволна безбедносна состојба.

Според информациите од МВР, во Собрание на  Република Македонија по полноќ  немало повеќе граѓани, а граѓаните кои протестирале биле надвор од Собранието.

Доколку преземете содржина од оваа страница, во целост сте се согласиле со нејзините Услови за користење.