Сириската војска и бунтовниците се судриле во северозападната покраина ама набрзо откако во полноќ на сила стапи руско-турскиот договор за воспоставување безбедни зони или „зони за деескалација“, пренесуваат агенциите повикувајќи се на опозициската Сириска опсерваторија за човекови права (SOHR) со седиште во Лондон.
Борбени авиони на сириската армија го бомбардирале селото ал-Залакијат под контрола на бунтовничките сили, како и околните позициите во покраината ама каде што судрените страни изменувале оган, според SOHR. Владините сили ги гранатирале и блиските градови Кафт Зита и Латамна, според истиот извор.
Мохамед Рашид, портпарол на бунтовничката група ал-Џаиш којашто дејствува во покраината Хама, за агенцијата Reuters потврдил дека борбите избувнале по полноќ кон саботата.
Турција и Иран во четвртокот се согласија со предлогот на Русија за воспоставување безбедни зони во Сирија, но договорот кој го потпишаа трите земји уште не е објавен, а некои поединости од него останаа нејасни, оценува Reuters.
Првата и најголема безбедна зона во северна Сирија ја вклучува покраината Идлиб и области од покраините Хама, Алепо и Латакија во коишто има во моментов повеќе од милион луѓе, ја пренесе агенцијата ТАСС писмената изјава од руското министерство за одбрана.
Сириската влада го поддржа договорот за воспоставување безбедни зони, но соопшти дека ќе ја продолжи борбата против оние групи коишто ги смета за терористички, во прв ред Исламската држава и Џебхат ал-Фатах ал-Шам, сириското крило на Ал Каеда поранешната Џебхат ан-Нусра, кои и се исклучени од споменатиот договор.
Вооружената сунитска опозиција го одби овој договор и соопшти дека во шиитски Иран не гледаат гарант за никаков план за примирје.
Високата комисија за преговори (HNC), главното опозициско тело коешто опфаќа политички и вооружени групации, го отфрли претходно планот како „нејасен“, Комисијата соопшти дека договорот „е склучен без сирискиот народ“ и „нема и нема минимални основи за легитимност“, иако зад него стои Турција којашто ги поддржува сириските сунитски опозициски групации.
Договорот е последниот во серијата дипломатски напори на Турција, Русија и Иран да ги запрат борбите во Сирија. Неколку претходни обиди за воспоставување примирје и мировни договори пропаднаа во војната меѓу повеќе спротиставени страни којашто започна во март 2011 година.
