Балкан

Голема операција на српската полиција Во Србија уапсени 139 лица за поседување дроги и оружје

Во Србија уапсени 139 лица за поседување дроги и оружје

Припадници на српското Министерство за внатрешни работи во повеќе одвоени акции во изминатите денови уапсија 139 луѓе поради сомневање за кривични дела неовластено производство и ставање во промет опојни дроги и недозволено производство, држење, носење и промет со оружје.

Поради поседување наркотици уапсени се 96 луѓе од кои се запленети 128,5 килограми опојна дрога, и откриени се седум лаборатории за производство на различни наркотици.

Поради недозволено поседување или носење оружје уапсени се 43 луѓе кај кои се пронајдени 14,5 кг експлозив, ракетни фрлачи, 56 пушки, 36 пиштоли и шест бомби.