Македонија

Во стар бунар во дворот на Ахмети пронајдени човечки коски

Во стар бунар во дворот на Ахмети пронајдени човечки коски
Во стар неупотребуван бунар на длабочина од 6,9 метри пред два дена биле пронајдени и извадени човечки коски (делови од скелети, делови од черепи, коски и сл.). Бунарот е лоциран во дворното место сопственост на Али Ахмети во кичевско Зајас.

-Увидот бил извршен по пријава дека на 09.10.2016 година при изведување на градежни работи – ископ на земјиште од страна на градежни работници со градежна машина, во стар неупотребуван бунар, на длабочина од 6,9м, биле пронајдени и извадени човечки коски. Пронајдените предмети се подигнати и по наредба на Јавен обвинител истите се испратени на вештачење во Институтот за судска медицина и криминалистика во Скопје, информираат денес од полицијата.

Кординаторот на тимот за ексхумација Мусли Муслиу вчера изјави дека се претпоставува оти остатоците се од 1913 година, а дека телата првично биле запалени па потоа затрупани во стар напуштен бунар. Тој исто така посочи оти луѓето кои се во масовната гробница претежно се жители од тој крај, и според првичните сознанија најверојатно станува збор за 10 до 60 луѓе.