Македонија

Во струшкото село Таш Маруништа ќе се одбележи Илинденското востание

Во струшкото село Таш Маруништа ќе се одбележи Илинденското востание

Во струшкото село Таш Маруништа традиционално по 63. пат утре ќе се одржи Илинденска прослава. Директорот на музејот „Д-р Никола Незлобински“ во Струга, Сашо Цветкоски и историчарот Петар Аврамоски пренесуваат факти за постоењето на комитски организации до појавата на првите организирани ќелии на ВМРО на овие простори.

Во 1894 година, според Цветкоски, во Таш Маруништа е формиран еден од комитетите на Внатрешно Македонската револуционална организација со што целиот овој отпор добива една поосмислена и поорганизирана форма.

– Во 1903 година струшкиот регион, за разлика од другите региони во западна Македонија е најорганизиран и најподготвен со неколку свои добро организирани чети во координација со Охридскиот револуционерен округ и се разбира со централното раководство, кое било во Крушево и Демирхисарскиот регион, овде ќе се развиваат жестоки борби дента 3, 4 и 5 август , истакна Цветкоски.

Бројноста на комитите и револуционерите, раскажува тој, била мала за разлика од турскиот аскер кој после почетните успеси на 3 и 4, веќе на 5 август се развиваат големи борби во пределите на струшка Малесија и струшки Дримкол особено во селото Таш Маруништа каде ќе била една од клучните борби во таа илинденска епопеја.

– Востаниците потоа се повлекуваат во пределите кон Малесија, кон Дебарца и натака во една нова организација борбена, и отпорот и борбите ги продолжуваат северно од Струга и Струшко, вели Цветкоски.

извор МИА