среда, 29 март 2017  |  Вести денес: 52

Во судирите во Лајпциг повредени 70 полицајци

lajpcig

Последни вести

Во судирите меѓу полицијата и припадниците на левичарските движења кои, во текот на демонстрациите на неонацистите во Лајпциг, вчера организираа контрамитинг, повредени се речиси 70 полицајци, а десетици лица се приведени, пренесуваат денеска светските медиуми.

„Раша тудеј“ пренесува дека демонстрантите со камења, шишиња и петарди ги гаѓале полицајците кои одговориле со  солзавец и водени топови.

Според наводите на портпаролката на полицијата, во судирите се оштетени околу 30 полициски возила, наведуваат француските медиуми.

Околу 150 припадници на различни десничарски организации, меѓу кои и огранокот на антиисламистичкото движење ПЕГИДА (Патриотски Европјани против исламизација на Западот), наречено Тугида, вчера маршираа во јужниот дел на Лајпциг, град со околу 550.000 жители.

Десничарите во текот на маршот се сретнаа со учесниците на контрамитингот што го организираа различни движења и левичарски групи, наведе германскиот весник „Шпигел“.

Според полицијата, на контрамитингот му се приклучиле неколку илјади лица.

Демонстрантите кренале барикади на повеќе улици и ги запалиле, наведе германскиот весник.

Најчитани вести