Магазин

„Војдан Чернодрински“ со „Буре барут“ гостува во Скопје

„Војдан Чернодрински“ со „Буре барут“ гостува во Скопје

Театарот „Војдан Чернодрински“, при ЦК „Марко Цепенков” со претставата „Буре барут” од Дејан Дуковски, во режија на Наташа Поплавска гостува во Скопје на 2 јули во среда, со почеток во 20.30 часот.

Претставата ќе се прикаже во рамките на манифестацијата „Скопско лето” што ја организира Дирекцијата за култура и уметност – Скопје.

„Скопската публика ќе има можност да ја проследи оваа најнова претстава на нашиот театар во која игра поголемиот дел од ансамблот, и да ужива затоа што е претстава со голема актерска енергија, која отвора нови театарски хоризонти, која дава одговори на многу прашања. Зошто сето тоа се случува, кога сите копнееме по внимание и љубов,“ велат од „Војдан Чернодрински“.