Спорт

Волкот може веднаш да заборави на Мундијалот во Бразил

Волкот може веднаш да заборави на Мундијалот во Бразил

Предводникот на лондонскиот премиерлигаш Арсенал, Арсен Венгер, потврди дека Тео Волкот успешно е опериран, дека хируршкиот зафат врз неговото повредено колено траел неколку часа, но и дека крилниот напаѓач со 100% сигурност нема да настапи на престојниот Мундијал во Бразил.

“Се помина во најдобар ред. Имаше сериозни оштетувања во неговото колено. Сега го започнува процесот на рехабилитација и истиот ќе биде многу долг. Да не се надеваме дека Тео ќе биде дел од престојниот Мундијал во Бразил. Со 100% сигурност можам да потврдам дека нема да игра за репрезентацијата на Англија, тоа е нешто невозможно. Сепак, Тео ќе има успешна и богата иднина. Ќе биде максимално подготвен за следната сезона”, изјави трофејниот француски стручњак.