Евентуалниот договор за нуклеарната програма на Иран нагло ќе ги намали цените на нафтата во светот, пишува американскиот весник „Волстрит џурнал“, пренесува МИА повикувајќи се на ТАСС.
Иранскиот извоз во изминатите години е значително ограничен од западните санкции. Но, ако тие бидат тргнати, половина милион или повеќе барели иранска нафта секојдневно ќе се најдат на светскиот пазар, кади и без тоа веќе има голема понуда, сметаат аналитичарите.
Иако, нуклеарниот договор е далеку од сигурен, иранскиот министер за нафта Биџан Намдар Зангане изјави дека неговата земја е подготвена двојно да го зголеми извозот. Според Зангане, зголемената понуда, што ќе ја обезбеди Иран, нема значително да влијае на цените на црното злато.