Свет

Вонредна седница на Советот за безбедност на ОН за Газа

Вонредна седница на Советот за безбедност на ОН за Газа

Советот за безбедност на Обединетите нации во недела вечер по њујоршко време почна вонредна седница за ситуацијата во Газа, каде што за време на двонеделните судири меѓу Израел и Хамас загинаа над 400 луѓе.

Седницата е на иницијатива на Јордан откако над 60 Палестинци и 13 израелски војници загинаа во израелски ракетен напад на предградие на Газа и борби со екстремистите.

Генералниот секретар на ОН Бан Ки-мун, кој се наоѓа во регионот на Блискиот Исток, во обид да помогне за постигнување на договор за прекин на огнот, ја осуди ужасната акција и повика за итен прекин на огнот.

„Израел мора да покаже максимална воздржаност и направи многу повеќе за заштита на цивилите“, изјави Бан, додавајќи дека државата мора да го почитува хуманитарното право.