Вонредна состојба во Хјустон поради поплави

Метеорлозите соопштија дека само вчера во Хјустон наврнале 44,7 сантиметри дожд, а државни официјални претставници сметаат дека станува збор за „историски нивоа“.

Реките во центарот на овој град се излеале од своите корита, а 1.200 луѓе се спасени од поплавените улици.

Речиси 70.000 жители останале без електрична енергија во четвртиот поголемина град во САД, каде најмалку 1.000 куќи се поплавени, а бројот на објектите кои се под вода веројатно ќе се зголеми.

Градските власти приспособиле еден голем трговски центар за евакуација и им порачале на граѓаните да не возат низ водата која брзо надоаѓа.

Меѓу најзагрозените делови од градот е Гринспоинт, сиромашен кварт со 112.000 жители, од кои главно се од шпанско потекло.

Се очекува интензитетот на поројните дождови денеска да се намали.

Доколку преземете содржина од оваа страница, во целост сте се согласиле со нејзините Услови за користење.