Хондурас денеска прогласи вонредна состојба, откако властите соопштија дека бројот на заразените со вирусот зика достигнал алармантно ниво.
Од првиот случај на 16 декември, виурсот е регистриран кај уште 3.649 луѓе, изјави министерот за здравство Јолани Батрес и додаде дека бројот на заразените со зика тројно се зголеми изминатите три денови.
Батрес не спомна ниту еден случај на новороденче родено со микроцефалија, односно абнормално мала глава.
– Бројот на заразените алармантно расте секој ден, изјави Батрес.
Вирусот зика предизвикува симптови слични на грип и осип и е мошне благ, така што останува незабележан во 70 до 80 отсто од случаите.
