Свет

Вооружен напад врз две телевизиски куќи во либискиот град Бенгази

Вооружен напад врз две телевизиски куќи во либискиот град Бенгази

Вооружени групи извршиле напад врз зградите на приватните телевизии „Либија ал Ахрар“ и „Либија Ула“ во Бенгази, предизвикувајќи голема материјална штета, соопштија безбедносните сили и претставници на медиумите.

Вооружени мажи фрлиле Молотов коктел врз зградата на „Либија ал Ахрар“, запалиле репортажно возило и отвориле оган врз седиштето на телевизијата.

Првиот либиски министер за информации, по смената на режимот на Моамер Гадафи, како и актуелен претседател на Управниот одбор на „Либија ал Ахрар“, Махмуд Шамам изјави дека во нападот нема загинати, ниту повредени медиумски работници.

Претставник на безбедносните сили истакна дека и седиштето на телевизијата „Либија Ула“ било цел на вандалски напад, извршен од вооружени групи.