Македонија

ФОТО: Новиот македонски воз на насловната на „China Daily“

ФОТО: Новиот македонски воз на насловната на „China Daily“
Новиот македонски воз на насловната на “China Daily“

Новиот македонски воз кој идниот месец ќе биде испорачан во Македонија се најде на насловната страна на “China Daily“ објави „Курир“.

Првиот од шесте нови патнички возови што за Македонски железници ги произведува кинеската компанија ЦРРЦ, беше промовиран на седми месецов во Кина.

nov-voz-500

Возот е со три вагони со капацитет од 200 патници и можност за брзина до 160 километри на час. Македонија набавува уште една електромоторна и четири дизел гарнитури, кои како што истакна на промоцијата министерот за транспорт и врски Владо Мисајловски, треба да пристигнат до јануари следната година.

nov-voz3500

Новите возови ќе сообраќаат на линиите Гевгелија – Скопје и Скопје – Битола, а ќе се воведат и нови деловни возови на релациите Тетово – Скопје, Куманово – Скопје и Велес – Скопје.

nov-voz1-500

Директорот на МЖ Транспорт Никола Костов посочи дека возовите се со извонредни технички карактеристики и услови и ќе овозможат патниците да уживаат во патувањата.

nov-voz2500

Новите патнички возови ќе имаат вкупен капацитет од 1.200 патници, што ќе покрива 60 проценти од линиите што ги одржува МЖ – Транспорт. Треба да бидат климатизирани, опремени со вакуум тоалети, да ги задоволуваат најстрогите мерки за енергетска ефикасност, да ги исполнуваат безбедносните стандарди, како и услови за превоз на лица со ограничено движење.