За трагичната несреќа која се случи на 22 ноември минатата година, во која Душан Јовановиќ возејќи го автомобилот со повеќе од 110 километри на час летна во водите на Дунав и однесе во смрт тројца негови пријатели, судењето е во тек.
Душан успеа да се спаси заедно со Милица Јокиќ (18) и Лука Вишњиќ (18), син на познатата водителка Оља Бачковиќ.
Душан Јовановиќ (19), возачот на автомобилот БМВ во кој се давија Анастасија Стајиќ (16), Немања Антиќ (18) и Милош Јанковиќ (20) при слетување во Дунав кај Ада Хуја, е обвинет за смртта на тројца пријатели од Вишото јавно обвинителство во Белград.
Јовановиќ е обвинет за предизвикување на сериозна сообраќајна несреќа во која загинаа тројца млади луѓе.
– Јовановиќ го возел автомобилот со голема брзина, без дозвола, во состојба на опиеност, по што слетал во реката Дунав и три лица загинаа. Максималната можна казна за обвинетиот е 12 години затвор, изјавија од Вишото јавно обвинителство.