Над 10.000 вработени во Министерството за внатрешни работи вчера ја добија покачената плата за месец април, согласно ветеното од Владата.
Тоа што го ветивиме го исполнуваме! Денес е исплатена априлската плата за вработените во МВР. Со мерката “Усогласувањето на плати“, основната плата на полициските служеници и овластените служебни лица е за 5% повисока во однос на мартовската. Оваа мерка директно ќе ја почуствуваат над 10 000 вработени во МВР, но и сите членови на нивните семејства. До крајот на 2017 ќе резултира со зголемување на основната плата на лицата со посебни должности и овластувања за околу 20% и ќе се изедначи со основната плата на лицата со посебни должности и овластувања во Царинската управа, напиша вчера министерката за внатрешни работи Гордана Јанкулоска на Фејсбук.