среда, 26 јули 2017  |  Вести денес: 47

Вработените во Телеканал А1 соочени со закани и притисоци

Вработените во телевизијата веќе подолго време се соочуваат со омаловажување од страна на правни субјекти и групи кои немаат храборост да зборуваат лично и јавно туку наоѓаат различни начини да извршат притисок со тенденција да влијаат врз уредувачката политика преку закани и уцена.

tv

Последни вести

Регионалната телевизија Телеканал А1 со седиште во Струмица во вчерашниот информативен блок информираше за уцени и закани кои стигнувале на адреса на телевизијата како правен субјект, но и на адреса на дел од вработените.

Вработените во телевизијата веќе подолго време се соочуваат со омаловажување од страна на правни субјекти и групи кои немаат храборост да зборуваат лично и јавно туку наоѓаат различни начини да извршат притисок со тенденција да влијаат врз уредувачката политика преку закани и уцена.

Можеме да ги занемариме физичките закани упатени кон нас лично или како новинарски тим бидејќи секој новинар треба да биде подготвен на негодување полно со нечии емоции. Но неможеме да ги игнорираме и нападите кон телевизијата како правен субјект. Имено Телеканал А1 работи согласно уставот на РМ и законските норми и согласно сите правилници на агенцијата за медиуми, легално ја имаме добиено лиценцата за работа и како и секој правен субјект се трудиме да понудиме квалитет и програма на медиумскиот пазар. Согласно сите извештаи од сите релевантни институции и субјекти на соработка немаме никаква забелешка за нашето работење и подготвени сме да прифатиме и добронамерни совети, велат од Телеканал А1.

Тие случајот веќе го пријавиле во полиција, а во наредните денови ќе ги известат и политичките партии и одредени дипломатско конзуларни претставништва на странски држави во Република Македонија.

Најчитани вести