понеделник, 22 мај 2017  |  Вести денес: 35

Времен прекин на сообраќајот кон Грција

133000526

Поврзани вести

Сообраќајот за влез и излез од Македонија кон Грција на граничните премини Меџитлија, Стар Дојран и Богородица е во прекин поради штрајк на грчките земјоделци.

Авто мото сојузот на Македонија информира дека прекинот на сообраќајот на граничниот премин Меџитлија што почна во 11 часот ќе трае до 13 часот, а ќе продолжи и попладне од 17 до 20 часот. На граничниот премин „Стар Дојран“ блокадата е од 11 до 14 часот, а на „Евзони“ од 11 до 13 часот.

Според АМСМ, сообраќајот на сите државни патишта се одвива без забрани и застои, по претежно суви коловози, освен на повисоките и осојничавите места.

Поради појава на магла, видливоста на патните правци Гевгелија – Богданци и Удово – Гевгелија е намалена на 50 до 100 метри.

АМСМ препорачува внимателно возење, прилагодена брзина на движење, почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово и Виница – Берово, каде е можна почеста појава на одрони.

Најчитани вести