Windows 10 download 10240 RTM достапен
На интернет по различни форуми, технички блогови и торент сајтови веќе се појавија линкови за симнување на Windows 10 download 10240 RTM, кој воедно ќе биде последната издадена верзија од Microsoft пред официјалниот старт следната Среда.
Кратенката „RTM“ во името на верзијата значи „Release To Manufacturing“ или Спремно за производство, во слободен превод. Токму затоа на безброј локации на интернет се појави целосната 32 и 64bit ISO верзија на оперативниот систем за чиста инсталација, која фановите на новиот ОС ќе можат да ја инсталираат на своите компјутери и предвреме да се запознаат со сите новини.
Официјално од сајтот на Microsoft може да се симне само пробната верзија на Microsoft Windows 10 download Enterprise Insider Preview. Тоа е добродојдено истотака и за армијата корисници на застарениот и веќе не подржуваниот Windows XP, кои ќе можат да го испробаат новиот оперативен систем и да оценат дали конечно можат со сигурност да се потпрат на новата технологија.
Windows 10 ќе биде бесплатен за старите системи!?
Корисниците на Windows 7 и Windows 8 оперативни системи имаат можност да се пријават за бесплатна надградба на најновата верзија на Windows 10 по официјалниот старт на 29ти Јули.
Се што треба да направат е да кликнат на малото лого на таскбарот, да одберат „Reserve your free upgrade“ или Резервирајте ја вашата бесплатна ндградба во слободен превод и да причекаат за неколку дена автоматски да им се надгради системот. Останатите корисници кои што немаат можност да направат автоматска надградба на својот софтвер ќе треба самите да го набават Windows 10 по цена од околу 10,000 денари и да го надградат или преинсталираат од ново.
До самиот крај Microsoft остана нејасен околу тоа дали старите корисници ќе можат да направат бесплатна надградба на својот нелиценциран „Виндоус“.
