Први мај се паѓа во петок, што значи дека ќе имаме продолжен викенд што пак значи можност да заминеме некаде и да ги наполниме батериите.
Иако искуството вели дека речи си секогаш за Први мај врне дожд, метеоролозите, барем од оваа дистанца велат дека не треба да се грижиме. Иако е рано за да може да се зборува за прецизна временска прогноза, сепак, најавите се дека за првомајските празници ќе имаме речи си летни услови и многу сонце, што секако е она што всушност се бара од времето.
Скопје
Доколку се решите да останете во Скопје ќе уживате во максимални температури од 25 степени. Тоа значи дека денот ќе биде совршен за скара во природа и уживање со пријателите под сонцето.
Охрид
Охрид е дестинација која несомнено ногу Македонци ќе ја одберат за првомајските празници. И во македонскиот туристички бисер ќе може да се ужива на 22 степени и сончево време.
Маврово
Оние кои ќе се решат за планина нема да згрешат. Метеролозите велат дека сонце нема да фали и во Маврово. Температурите од 18 степени се идеални за пикник во природа.
Дојран
Дојран традиционално личи на кошница со пчели за првомајските празници. Така се очекува и оваа година а и времето нема да изневери. 26 степени се гаранција за прекрасен викенд.
Преспа
Доколку одамна не сте биле на Преспанското Езеро, можеби оваа година треба да отидете баш за Први Мај. Нема да погрешите, а ќе ве послужи и сончевото време со 22 степени.
