За денеска е закажанo рочиште за случајот „Топлик“

Во Основниот суд Скопје 1 Скопје во четвртокот треба да се одржи рочиште за предметот на Специјалното јавно обвинителство (СЈО) „Топлик“, во кој осомничени се шест лица, меѓу кои и поранешниот министер за транспорт и врски Миле Јанакиески за продажбата на градежна парцела во скопско Сопиште.

Во овој случај првоосомничениот, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс Сончев град во Сопиште, иако фирмата не ги исполнувала условите за тоа.

Од доказите, според СЈО, произлегува дека поради раскинувањето на договорот по вина на Министерството, Министерството се обврзало во износ од милион евра да му исплати долг и затезна камата на правното лице „Сан сити“.

Доколку преземете содржина од оваа страница, во целост сте се согласиле со нејзините Услови за користење.