За една недела 1.042 повици на линијата Ало докторе

Вкупно 1.042 повици се регистрирани изминативе седум дена на телефонската линија за медицински совет Ало докторе.

Граѓаните на телефонската линија 02/15 123 најчесто бараат медицински совет за кардиоваскуларни и респираторни симптоми, главоболки, покачена телесна температура, стомачен вирус, алергиски реакции и симптомна болка.

– Често се јавуваат граѓани за совети поврзани со терапијата што редовно ја примаат за хроничните болести и за симптоми поврзани со крвен притисок, информираат од Министерството за здравство.

Линијата Ало докторе е достапна секој ден, 24 часа, со цел да се овозможи непосредна медицинска консултација во моментот на појава на симптоми на нарушување на здравјето.

Од први септември линијата е засилена со тројца нови специјалисти. Дваесет и пет доктори вкупно се достапни за медицински совет за јавувањата кои се од граѓани од сите градови на Македонија.

На сите лица кои побараа медицински совет на телефонската линија Ало докторе, како што се наведува, им е дадена здравствена помош со совет и соодветна симптоматска терапија.

Од 15. септември 2014. година, од кога работи телефонската линија досега има вкупно 50.676 повици.

Доколку преземете содржина од оваа страница, во целост сте се согласиле со нејзините Услови за користење.