Во изминатите седум дена на телефонската линија Ало докторе примени се 790 јавувања за здравствен совет. Од почетокот на функционирањето на линијата, примени се вкупно 15.030 јавувања, а за здравствен совет достапни се 22 доктори, а јавувањата се од сите градови на Македонија.
Јавувањата на Ало докторе најчесто се за медицинска помош со широк спектар на најразлична симтоматологија, кардиоваскуларни и респираторни симптоми, најчесто покачен крвен притисок, проблеми со покачена телесна температура, кашлица, настинки и симптомна болка.
Секој ден од 18 до 22 часот во кол центарот Ало докторе за медицински совет се дежурни и достапни за здравствен совет директорите на јавните здравствени установи.
Денес во кол центарот ќе биде дежурна д-р Смиља Туџарова, директорка на клиниката за пластична хирургија. Утре на Ало докторе ќе дежура проф. д-р Михаил Пенев од клиниката за урологија, во среда на 31.12 д-р Милан Ристевски од Институтот за радиотерапија и онкологија, на 01.012015 година д-р Славица Шубеска Стратакова од Клиниката за ендокринологија и во петок на 02.01.2015 д-р Реџеп Селмани, директор на УК за трауматологија, ортопедски болести, анестезија, реанимација и интензивно лекување.
Во сабота на 03.01.2015 година на линијата Ало докторе ќе биде дежурна д-р Аспазија Софијанова, директорка на Клиниката за детски болести, а во недела на 04.01.2015 доц. д-р Сашко Кедев, директор на Институтот за кардиологија.