Македонија

За локалните избори во Албанија се печати пропаганден материјал и на македонски јазик

За локалните избори во Албанија се печати пропаганден материјал и на македонски јазик
За локалните избори во Албанија се печати пропаганден материјал

Централната изборна комисија на Албанија, за претстојните локални избори, кои ќе се одржат во недела на 21 јуни отпечати пропаганден материјал и на Македонски јазик, пренесува МИА.

– Ваков материјал, но во помал обем имаше и на минатите избори. Тоа како резултат на нашите барања, како на македонските друштва така и на нашата единствена партија, Македонска алијанса за европска интеграција (МАЕИ). На наредните избори се надеваме дека ќе успееме да добиеме и гласачки ливчиња на македонски јазик, вели Никола Ѓурѓај, претседател на друштвото „Илинден“.

МАЕИ, која е дел од широката лева коалиција „Алијанса за европска Албанија“(АСЕ), предводена од владејачката социјалистичка партија на премиерот Еди Рама, на изборите настапува со еден кандидат за градоначалник и 16 кандидатски листи за советници (од вкупно 61 општина).

Актуелниот градоначалник на Пустрец, Едмонд Темелко, ќе се обиде довербата да ја добие по третпат, а на кандидатски листи во трка за советничко место се 200 Македонци, што е најголема бројка до сега.

Со своја листа за советници МАЕИ се јавува и во Тирана чиј совет брои 62 советника. Листата на МАЕИ за Тирана ја предводи Никола Ѓурѓај.