За осум месеци во Европа пристигнале над 60.000 мигранти

Меѓународната агенција за миграција (ИОМ) денеска соопшти дека од почетокот на оваа година во Европа, преку Средоземното Море, пристигнале над 60.000 мигранти и бегалци, а над 1500 загинале или исчезнале на патот кон Европа, поради што медитеранската рута неофицијално е прогласена за најопасна мигрантска рута во светот.

„До завчера во Европа пристигнале 60.309 мигранти и бегалци, а загинале 1.520, од кои 10 само оваа недела. 24.600 бегалци биле прифатени во Шпанија, 19.000 во Италија, 16.500 во Грција, околу 250 на Малта и над 100 на Кипар. Во истиот период лани, преку Медитеранот во Европа, пристигнале 117.000 мигранти и бегалци, а во 2016 година над 263.000“, изјави портпаролот на ИОМ, Џоел Милман, на прес-конференција во Женева.

Доколку преземете содржина од оваа страница, во целост сте се согласиле со нејзините Услови за користење.