Македонија

За викенд сончево, со можност за изолирана појава на дожд и град

За викенд сончево, со можност за изолирана појава на дожд и град

Времето ќе се задржи сончево и ветровито со умерен до засилен ветер од северен и северозападен правец. Поизразен ќе биде ветерот вдолж Повардарието, каде повремено ќе достигнува брзина и над 60 км/час. Максималната температура ќе се движи од 24 до 31 степен.

Во наредните денови ќе се задржи претежно сончево и топло време, но сепак во попладневните часови е можна изолирана појава на краткотраен дожд со грмежи, особено во вторник.

Малите услови за нестабилност и затоплувањето во наредниот период ќе овозможат оптимални услови за изведување на жетвата на есенските култури, кои земјоделците не смеат да ги пропуштат. Повисоките температури ќе овозможат забрзан развој на пролетните окопни култури, на кои им недостасуваше топлина. Опасноста од развој на болести и штетници останува и понатаму, но не треба да се занемарат и плевелите кои поради влажната пролет ги има во изобилство, особено кај окопните култури, лозовите и овошните насади.