Забрана за сообраќај на тешки товарни возила на патниот правец крак Маврово – Дебар е воведена поради интензивни врнежи од снег, соопшти Автомотосојузот на Македонија.
АМСМ информираше и дека сообраќајот на сите државни патишта се одвива без забрани и застои по наместа влажни коловози. Снег со слаб интензитет провејува на Попова Шапка и Ѓавато кој не се задржува на коловоз.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.