Македонија

Забраната за влез во Грција за македонска адвокатка стигна до грчкиот Парлaмeнт

Забраната за влез во Грција за македонска адвокатка стигна до грчкиот Парлaмeнт
Трендафилка Санадева е македонската адвокатка која што е ангажирана во случаите за  имотите на бегалците од граѓанската војна во Грција. Застапувајќи ги предметите пред грчките судови, таа досега многу пати без проблем влегувала во Грција, но кога пред три дена се обидела да го мине граничниот премин Евзони заедно со неколкумина свои клиенти, добила двојазичен документ со кој што се прогласува за персона нон грата и и се забранува влез во замјата.
Како што јавува дописникот на Нетпрес од Атина, овој инцидент за среќа, не помина незабележано во грчкото општество.  Пратеничката Марија Јанакаки од Демократската Левица, која што е една од ретките грчки политичари што демонстрираат демократски капацитет, повторно во грчкиот Парламент постави пратеничко прашање токму на оваа тема, упатено до министрите за надворешни работи, за правда и за јавен ред.
Јанакаки објаснува дека крајна дестинација на адвокатката Сандева и нејзините клиенти бил Солун, каде што на нотар требало да се завери полномошното за грчките адвокати од Грчкиот хелсиншки мониторинг. Забраната за влез во Грција, вели Јанакаки, го направи овој процес екстремно тежок, бидејќи повеќето луѓе што дојдоа не зборуваа грчки или било кој друг јазик што ќе им овозможи да се договорат со луѓето од Грција. Таа, меѓудругото, ги прашува министрите на што се должи забраната и дали ваквиот чекор на Грција е во согласност со Времената спогодба од 95 ?
” Зошто Трендафилка Сандева е на листата на непожелни личности, иако од горенаведеното се чини дека единствената причина е тоа што таа ги брани клиените кои што соработуваат со неа во барањата пред Грчките судови ? Ако станува збор за грешка, дали одлуката ќе биде повлечена, а оштетената ќе  добие извинување ?
 Со оглед на тоа што изгледа дека полицијата ја донела оваа одлука за да спречи слични дејствија во грчкото судство, дали ќе се спроведе дисциплинска и судска истрага за одлуката и ќе се определи обвинувањето? Дали оваа акција на владата е во согласност со Времената Спогодба меѓу двете земји ? И на кои јазици се напишани двојазичните докуменети со одлуките за забрана на влез на преминот Евзони за луѓето со пасоши од поранешната југословенска Република Македонија, за овие луѓе да можат да ги разберат? “, се елементите од прашањето на пратеничката.

Ова не е прв пат пратеничката Марија Јанакаки во грчкиот Парламент да поставува пратенички прашања кои што се однесуваат на неадекватниот однос на грчките власти кон Македонија. Токму таа свовремено ги покрена прашањето за уништувањето на возилата на македонските труристи во северна Грција и за инцидентите што неонацистите од Златна Зора ги правеа на грчко-македонската граница, прашувајќи ги надлежните министри што преземале и дали планираат да ги казнат сторителите. Јанакаки е пратеничката која што во Парламентот ги покренува и прашањата за честите забрани за влез на македонските граѓани во Грција.