Македонија

Заев повторно се фати во лага

Заев повторно се фати во лага

Првот човек на опозицијата Зоран Заев, вчера повторно по којзнае кој пат самиот се заплетка во сопствените манипулации и лаги, пишуа Курир.

При презентирањето на четвртата „бомба“, Заев вчера рече дека новинарот и сопственик на неделникот ФОКУС, Никола Младенов бил најследен и најприслушуван.

-Најследен, најприслушуван, со години таргет на тајните полициски служби на Сашо Мијалков е доајенот на новинарството во Македонија, уредникот, новинар и сопственик на неделникот ФОКУС, Никола Младенов, рече Заев на прес-конференцијата.

Со ваквото твдење, Заев се демантира самиот себеси бидејќи пред само две недели при гостувањето во емисијата „Патот кон…“ на Алсат-М, лидерот на СДСМ тврдеше дека најприслушуван во целиот случај бил новинарот и уредник на телевизија Сител, Драган Павловиќ- Латас. Заев рече дека тој е следен и прислушкуван 48 месеци, но само  Латас бил подолго сниман од безбедносните служби.

-Само Латас е подолго следен од мене. Не знам зошто. Можеби власта не му верувала што работи, рече Заев.

Две недели подоцна, Заев го смени тврдењето. Веќе не мисли дека Латас е најследен и најприслушуван, туку како што тврдеше вчера, Никола Младенов бил најприслушуван. Изминатиов период струмичкиот градоначалник многу пати самиот се фаќаше во сопствените лаги и манипулации, а последниот случај е само уште еден доказ за ставот на аналитичарите дека лагата е систем на однесување на овој политичар.