Македонскиот прмиер Зоран Заев изјави во вторникот дека се надева на брзо решение на спорот со името што Македонија го има со Грција и кажа дека верува оти во овој процес е постигнат напредок.
Заев на прес-конференцијата во Владата по објавувањето на Извештајот на ЕК во кој Македонија доби чиста препорака, одговарајќи на новинарско прашање рече дека еврокомесарот Јоханес Хан, но и граѓаните се добро информирани дека навистина има напредок во овој процес и дека тоа е поразлично од кога било претходно.
„Тоа ни дава силна желба, волја, оптимизам да продолжиме во наредните недели што се пред нас“, рече Заев
Додаде дека може да бидат две или, пак, шест седмици но дека ќе се прават напори решение за спорот за името да се изнајде пред самитот на ЕУ во јуни кога ќе се носи и одлуката за датум за преговори.
„Знаеме дека е многу важно да се реши ова прашање кое веројатно е последното отворено билатерално прашање што го има Македонија, секако водејќи грижа, како што кажа, за достоинството и идентитетот“, потенцираше Заев.
