Заев: Владата е посветена на наоѓање решение за спорот за името

Владата на Република Македонија создава услови за градење национален консензус со сите клучни и одлучувачки политички субјекти за да се забрза интеграцијата во НАТО, рече во средата премиерот Зоран Заев, кој се обрати на завршната конференција за проектот „Зајакнување на младинскиот дијалог за промоција на демократските процеси во духот на евроатлантските интеграции“ во организација на Евроатлантскиот совет на Македонија, со поддршка на „Цивика мобилитас“.

Премиерот Заев истакна дека Владата е посветена на наоѓање решение за спорот за името со Грција.

„Веруваме дека тоа е можно преку инклузивен пристап дома и со градење на позитивна атмосфера на добрососедство и соработка со Република Грција“,  рече Заев, додавајќи дека очекува Македонија да биде следната членка на НАТО и во првата половина на 2018 година да добие покана за почеток на преговорите со ЕУ.

Посочи дека над 75 отсто од граѓаните на Македонија се убедени дека Република Македонија ги заслужува евроатлантантските перспективи и оти Владата, со поддршка од граѓаните и од меѓународни партнери, го трасира патот кон НАТО.

Доколку преземете содржина од оваа страница, во целост сте се согласиле со нејзините Услови за користење.