Македонија

Зајакната сообраќајна контрола, казнети вкупно 732 возачи

Зајакната сообраќајна контрола, казнети вкупно 732 возачи

Во рамки на зајакнатата сообраќајна контрола во повеќе градови низ земјава се санкционирани вкупно 732 возачи.

Од превземените мерки и активности на сообраќајната полиција во Скопје, кај 44 возачи е утврдено дека возеле под дејство на алкохол, потоа 32 лица управувале возила со измината важност на сообраќајната дозвола, без возачка возеле 26 возачи, а 16 лица поминале на црвено светло. Исто така, 30 возачи возеле со брзина над дозволената, 21 возач управувал возило со над 90 км на час во населено место, а изречени се и пет прекршока за некористење на сигурносен појас, 21 прекршок за зборување на мобилен телефон, потоа 10 прекршоци за паркирање во зона на крстосница, автобуска станица и пешачки премин, и уште 93 прекршоци за неправилно и непрописно паркирање. Покрај ова изречени се и прекршоци за недавање на првенство на минување на пешаци за четири возачи, за непрописно престројување изречен е еден прекршок, за прекршоци што ги чинат пешаците изречени се вкупно 16 прекршоци додека пак со пајак службата подигнати се вкупно 92 возила.

На територијата на градовите Велес и Неготино четири лица возеле под дејство на алкохол, две лица се движеле со поголема брзина од дозволената, а уште три други лица се санкционирани за прекршоци во сообраќајот.

Во Охрид, Струга, Кичево и Дебар е утврдено дека 34 лица возеле со брзна поголема од дозволената, 12 учесници се писмено предупредени, 11 возачи се усно предупредени,  а со контролите биле опфатени 74 возила и 3 мопеди и моторцикли. Исто така извршени се две алкотестирања, еден  преглед на превозно средство и багаж, одземени се две возачки дозволи поради возење под дејство на алкохол, а издадени се два платни налози, две покани за сообраќајна поука. Покрај ова три возила  се исклучени поради истечена регистрација, а двајца возачи возеле без возачка дозвола. Пајакот подигнал шест возила и издадени се 22 платни налози и 35 покани за глоба на возачи.

Во Штип контролирани се вкупно 1.161 возила и возачи, при што  изречени се 105 прекршочни казни за возење со брзина поголема од дозволената и 29 прекршочни казни за возење под дејство на алкохол.

Секторите за внатрешни работи и понатаму ќе продолжат со зајакнати сообраќајни контроли по однос на прекршоци кои доведуваат до сообраќајни незгоди и апелира до граѓаните да ги почитуваат сообраќајните правила и прописи со цел да се намалат сообраќајните незгоди.