Портпаролот на германската влада Штефан Зајберт денеска ги отфрли наводите на дел од медиуми кои бараа Берлин да ја критикува Македонија за акцијата во која македонските гранични служби ги спречија бегалците од дивиот камп на Идомени да влезат на македонска територија.
Според позициите на Берлин секоја држава треба своите граници да ги штити согласно меѓународните стандарди. На директно прашање дали Германија ќе ја осуди употребата на гумени куршуми и солзавец против бегалците, Зајберт изјави дека обидите на бегалците да ја минат границата е решение кое што не дава надеж, а контролата на меѓународните граници во секоја земја мора да биде во рамки на меѓународните стандарди.
Портпаролот на германската влада Берлин е загрижен за тешките услови за сместување на бегалците на границата меѓу Македонија и Грција како и за тензиите на граничната линија во последните два дена.
Германија е најчестата дестинација на бегалците кои што досега минуваа преку Балканската рута и цел на десетиците илјади бегалци кои што се наоѓаат на грчка територија и сеуште се надеваат да влезат на територија на ЕУ преку Македонија.
