Во акција на канадската полиција за спречување на терористичка закана во градот Стратрој, ликвидиран е еден осомничен терорист, објави канадската телевизија Си-Би-Ес.
Акцијата била спроведена откако полицијата добила „доверлива информација“ за потенцијална терористичка закана во северно предградие на Стратрој, град што се наоѓа во канадската провинција Онтарио.
По добиените сознанија за можен терористички напад, полицијата спровела засилени безбедносни мерки, при што идентификувала осомничен потенцијален терорист, кој бил застрелан.
Полицијата засега официјално не го соопштува идентитетот на осомничениот терорист, но според анонимни разузнавачки извори на кои се повикуваат канадските медиуми, тој е идентификуван како Арон Драјвер.
Истиот извор наведува дека Драјвер, кој е на возраст од околу 25 години, минатата година бил уапсен под обвинение за отворена поддршка на џихадистичката група Исламска Држдава (ИД) преку социјалните мрежи.