Жан Митрев подари четири куќи на oпштина Штип

Жан Митрев подари четири куќи на oпштина Штип (Фото: Порта 3)
Жан Митрев подари четири куќи на oпштина Штип (Фото: Порта 3)

Kардиохиругот Жан Митрев, кој е роден во Штип, на таа општина и подари четири автентични куќи во штипско Ново село, кои се и дел од културното наследство на градот.

Ова денеска го соопшти портпаролот на општина Штип, Драган Ристов, кој рече дека општината ги презема обврските за реконструкција на четирите куќи, со што ќе им се врати автентичниот изглед.

Ќе се бараат донатори и спонзори, а исто така ќе се поднесе и проект преку ИПА програмата за прекугранична соработка, со што општината ќе може да ги реконструира овие стари куќи со автентична македонска архитектура, посочи Ристов.

Тој истакна дека вредноста на четирите куќи кои кардихиругот Митрев и ги подари на општината е 6 милиони денари или околу 100.000 евра. Договорот за отстапување на сопственоста на четирите куќи во штипско Ново село го потпишаа градоначалникот Илчо Захариев и кардиохирургот Жан Митрев.

Доколку преземете содржина од оваа страница, во целост сте се согласиле со нејзините Услови за користење.