Свет

Започна Самитот Г – 7 во Крин

Започна Самитот Г – 7 во Крин

Со позирање за заедничка фотографија пред замокот Еламу во германскиот град Крин, лидерите на земјите-членки на Групата седум индустриски најразвиени земји во светот (Г-7) попладнево го започнаа 41-иот дводневен Самит, пренесува МИА.

Како што јави ДПА, по т.н. „семејна фотографија“, лидерите на Германија, Велика Британија, Италија, Јапонија, Канада, САД и Франција, во замокот Елмау ја почнаа својата прва работна средба во рамки на Самитот, која е посветена на состојбата во која се наоѓа глобалната економија.

Сите учесници на Самитот до замокот Еламу, каде ги пречека домаќинот на средбата, германската канцеларка Ангела Меркел, пристигнаа со мали автомобили на електричен погон.

Во исто време додека почнуваше Самитот на Г-7, членови на организации за борба против сиромаштијата, во воздухот пуштија балони со ликовите на сите учесници на собирот.

Г7 Самит

На овој начин, како што изјавија, тие сакаат да упатат апел до лидерите на Г-7 да ги исполнат своите ветување за справување со сиромаштијата во светот.