Започна вкрстувањето на базите за прочистувањето на Избирачкиот список

Експертите ангажирани од Државната изборна комисија (ДИК) денеска го започнаа вкрстувањето на податоците од десет бази на податоци добиени од релевантни државни институции, соопштува ДИК.

Вкрстувањето на податоците е дел од процесот на прочистување на Избирачкиот список.

На овој процес, како што стои во соопштението, му претходеше стандардизирање, нормализирање и валидација на податоците од базата на Министерството за внатрешни работи (МВР) со базите на Фондот за здравствено осигурување, Агенцијата за вработување, Фондот за пензиско и инвалидско осигурување, Агенцијата за катастар на недвижности, Министерството за земјоделство, шумарство и водостопанство, Министерството за труд и социјална политика, Управата за водење матични книги, Централниот регистар, Народната банка и Управата за јавни приходи.

Доколку преземете содржина од оваа страница, во целост сте се согласиле со нејзините Услови за користење.