Утре, во 19:30 часот во Универзална сала ќе се одржи завршниот перформанс на Мултимедијалниот проект „Ние сме најдобри 2014 – Сите во акција за безбедни училишта“ во организација на Градот Скопје, Универзалната Сала – Скопје и Центарот за креативен развој, поддржан од Мисијата на ОБСЕ во Скопје.
Во Универзална сала, средношколците ќе се претстават и натпреваруваат во пријавените категории – музика, театар, мода, танц, филм и фотографија, односно годинава 70 средношколски тимови од 15 скопски средни училишта подготвија свои уметнички дела со помош на своите професор – ментор, координатори и ќе ги престават пред публиката. Средношколците-учесници имаа задача да креираат уметнички дела кои се инспирирани од културата на НЕНАСИЛИЕТО и здравата и чиста околина.