Потфрли извозот за католички Велигден. Трговците понудија пониска откупна цена од лани поради што сточарите не се решија да ги продадат сите јагниња.
Откупната цена од 130 денари за килограм жива мера или за скоро 30 денари помалку од лани, според сточарите е причината што се продадоа 100 наместо 150 илјади јагниња.
Извозниците проблемот го посочуваат во поголемата понуда и пониската цена на пазарите каде што традиционално се продава македонското јагне.
Пласманот на јагнешкото во странство е 85 проценти од производството и носи годишен прилив до 15 милиони евра.
