Македонија

Жбогар: Засега ниедна земја од Западен Балкан не е подготвена за влез во ЕУ

Жбогар: Засега ниедна земја од Западен Балкан не е подготвена за влез во ЕУ

Стратегијата поставува временска рамка до 2025 година за земјите кои се во фаза на преговори, меѓутоа и другите земји можат да фатат чекор и да ги претекнат овие водечки кандидати, истакна амбасадорот на Европската унија во Република Македонија, Самуел Жбогар по денешната презентација на Стратегијата за Западен Балкан.

„Стратегијата вели дека ЕУ треба да стане посилна пред да стане поголема. Стратегијата за Западен Балкан е една загатка во големиот процес на трансформации кој треба да се случи. Од страна на Западниот Балкан јасно беше кажано дека во моментов ниту една држава не е подготвена да велзе во ЕУ. Во однос на состојбите во регионот нема да постои можноста да се дојде до задоволително ниво за било која од овие земји во блиска иднина да стане членка. Мора нешто драматично да се случи во реформите кои се реализираат или во преговорите“, порача Жбогар.

Стратегијата испраќа апел до лидерите од регионот да преземат акции за да овозможат временската рамка да се случи, додаде евроамбасадорот.