Балкан

Збогум Пантиќ! Погребан легендарниот актер Никола Симиќ

Збогум Пантиќ! Погребан легендарниот актер Никола Симиќ

Легендарниот актер Никола Симиќ вчера во 14 часот беше погребан на градските гробишта во Белград. Неговото семејство, пријателите и колегите тивко и достоинствено се збогуваа од него.

Симиќ сите ќе го паметат по значајните театарски и филмски улоги. Една од нив е и улогата на Пантиќ во познатиот југословенски филм од 1982 година „Тесна кожа“.

Пред да биде испратен до вечното почивалиште во 12 часот во Југословенскиот драмски тетатар беше одржана и комеморација каде неговите колеги говореа за неговиот лик и делото.

На погребот присуствуваа и министрите за надворешни работи и туризам и телекомуникации на Србија, Ивица Дачиќ и Расим Љаиќ.

Актерот Никола Симиќ почина во неделата на 9-ти ноември на 80-годишна возраст.