Здрав десерт: Енергетски плочки со јаболко и цимет

Состојки:

150 грама ореви

150 грама јаболки исечени на коцкички

150 грама овесни снегулки

220 грама урми

1 кафена лажичка цимет

Прстофат сол

Подготовка:

Загрејте ја рерната на 220 степени. На плехот ставете хартија за печење па врз неа истурете ги оревите и овесните снегулки и ставете ги во рерната околу 10 до 15 минути (додека да станат крцкави).

Ставете ги урмите во врела вода околу 15 минути, потоа излупете ги и исечете ги на коцкички.

Печените овесни снегулки и оревите ставете ги во блендер, додадете ги урмите, циметот и солта. Ситнете со блендерот додека не добиете еднолична смеса, без поголеми парчиња. Додадете ги исецканите јаболка и мешајте се додека смесата целосно не се изедначи.

Смесата ја ставате во плех обложен со хартија за печење и израмнете ја површината. Се пече во рерна околу 20 минути, а постоа треба да се олади околу 15 до 20 минути.

Потоа се сече на плочки во саканата големина.

Доколку преземете содржина од оваа страница, во целост сте се согласиле со нејзините Услови за користење.