Земјотресот во Мексико однесе најмалку 61 живот

© AP Photo/Luis Alberto Cruz

Најмалку 61 човек го загуби живот во најсилниот земјотрес кој по повеќе од осум децении го погоди Мексико урна станбени згради и предизвика масовни евакуации во сиромашните сојузни држави Оахака и Пијапас.

Земјотресот со магнитуда 8,2 на јужниот мексикански брег бил посилен од разорниот од 198 година кој урна цели населби на главниот град Сидуад де Мехико и уби околу десет илјади луѓе.

Главниот подземен удар се почувствувал и овојпат во мексиканската престолнина, но и во соседните земји Ел Салвадор и Гватемала, каде што е пријавена, исто така, една жртва во пограничната област. Меѓутоа, градот Хучитан во Оахакан најтешко настрада во катастрофата од ноќта кон петокот. Во урнатини се делови од градскиот совет, хотел, црква и други објекти.

Мексиканскиот претседател Енрике Пена Нието го посети настраданиот град за лично да ги следи операциите на спасување. Градоначалникот Глорија Санчез, земјотресот го нарече „најстрашниот момент“ во историјата на градот.

Сите смртни случаи се регистрирани во трите сојузни држави сместени во близина на епицентарот кој е регистриран на 70 километри од брегот.

Доколку преземете содржина од оваа страница, во целост сте се согласиле со нејзините Услови за користење.