Жена во Тулон со повикот „Алаху акбар“ со нож рани две лица

Притворена е жена којашто со нож во неделата во местото Сеин-сур-Мер на југот од Франција повредила две лица во супермаркет, со повиците „Алаху акбар“ (Господ е голем), соопшти државниот обвинител на Тулон.

Жената нападнала еден купувач и го ранила во градите и тој е хоспитализиран, прецизирал државниот адвокат Бернар Марешал за AFP потврдувајќи ја претходната информација што ја објави порталот на локалниот дневен весник Nice Matin. Во нападот полесно е повреден и касиерка.

„Очигледно станува збор за изолиран случај на душевно нарушување“, коментирал Марешал и додал дека не ја исклучува можноста дека станува збор за радикализирано лице.

Сторителката, којашто од претходно не ѝ била позната на полицијата, се наоѓа во моментов во притвор, а за нејзиниот напад е отворена истрага.

Во домот на притворената во неделата попладнето траеше претрес за да се процени дали жената имала поврзаност со џихадистичката организација Исламска држава, рекол државниот обвинител.

Доколку преземете содржина од оваа страница, во целост сте се согласиле со нејзините Услови за користење.