Зенит пресилен за Вардар

Импресионираните фудбалери на македонскиот шампион Вардар и резултатски и играчки лошо дебитираа во групната фаза во Лига Европа, откако во четвртокот вечерта рускиот претставник Зенит ја покажа својата моќ и заслужено славеше во Скопје со 5:0.

Ова инаку е прв пораз на „црвено-црните“ на домашен терен во европските настапи оваа сезона.

Два гола постигна Александар Кокорин во 6 минута и во 21-та, по еден реализираа Артем Ѕјуба во 39-та, Бранислав Ивановиќ во 66-та и Емилијано Ригони во 90 минута.

Во истата група убедлив беше и Реал Сосиедад кој во Сан Себастијан го совлада Розенборг со 4:0. Двоен стрелец беше Љоренте во 9-та и во 77 минута, Зурутуза погоди во 10-та, а автогол во 42 минута постигна Скјелвик.

Вардар во второто коло на 28-ми септември ќе игра против Розенборг во Трондхајм, Зенит, пак, на стадионот „Крестовски“ ќе биде домаќин на Реал Сосиедад.

Доколку преземете содржина од оваа страница, во целост сте се согласиле со нејзините Услови за користење.