Селекторот Симе Симовски покрај тренинзите кои почнаа во малата сала во СЦ „Јане Сандански“ ќе има можност да ја провери формата на ракометарките и низ двата пријателски натпревара со Црна Гора, како и еден контролен дуел со младинската селекција на Македонија.
Од повиканите ракометарки денеска со тренинзи треба да почне Ивана Гакидова, која настапува во Норвешка и поради лошите сообраќајни врски подоцна се приклучува, додека Сара Ристовска се жали на повреда и по лекарските прегледи ќе се знае тежината на нејзината повреда.
Македонија за пласман на Светското во Германија ќе игра квалификации кои ќе се одржат на Фарски Острови. Покрај домаќинот во групата се уште селекциите на: Австрија и на Исланд, а двете првопласирани селекции ќе играат во баражот против репрезентација која во декември годинава ќе настапува на Европското првенство.
Натпреварите од квалификационата група ќе се играат од 2-4 декември оваа година.