Македонија

Зголемен бојот на патници на аеродромите во Скопје и во Охрид

Зголемен бојот на патници на аеродромите во Скопје и во Охрид

За првиот квартал од оваа година (јануари-март) на двата аеродроми во државава е забележано зголемување на бројот на превезени патници, споредено со истиот период минатата година.

Имено, во овие три месеци од двата аеродрома во Република Македонија – аеродромот „Александар Велики“ во Скопје и аеродромот „Св. Апостол Павле“ во Охрид се превезени вкупно 268.400 патници, додека во истиот период минатата година биле превезени вкупно 207 963 патници што претставува зголемување на бројот на превезени патници од 29, 1 %.

На аеродромот „Александар Велики“ во Скопје, во периодот од јануари до март 2015 година регистрирани се вкупно 264.165 патници што во споредба со истиот период од минатата година кога биле превезесни 204 285 патници, се забележува зголемување од 29, 3 %.

На аеродромот „Св.Апостол Павле“ во Охрид за периодот јануари-март 2015 година, превезени се 4.235 патници, што во споредба со истиот период од 2014 година кога биле превезени 3678 патници, се бележи зголемување од 15.1 %.

Согласно, реализација на сообраќајот, најзастапени дестинации според бројот на патници за периодот јануари-март годинава се: Истанбул 15.0 %, Цирих 8.6 %, Базел 6.4 %, Виена 6.6 %, Малме 6.2%, Лондон со 5.6 % и Минхен 4.7%.

Од месец јуни ќе се воведат директни линии за пет нови дестинации до европските градови и тоа: Oд аеродромот Александар Велики во Скопје до Барселона, Осло, Нирнберг, Хамбург и Фридихшафен и тоа два пати неделно.

Од аеродормот Св. Апостол Павле од Охрид, ќе се воведе директен лет до Базел исто така два пати неделно.

Забележаниот континуиран раст на бројот на превезени патници, како и бројот на компании кои оперираат со нови дестинации е резултат на Проектот на Владата за финансиска поддршка за поттикнување и развој на воздушниот сообраќај. Во тој контекст позитивните политики за развој на воздушниот сообраќај ќе продолжуват да се применуваат и во наредните години, со цел промовирање на нашата држава како атрактивна туристичка и бизнис дестинација, информираат од Министерството за транспорт и врски.