Македонија

Зголемен бројот на работници во индустрискиот сектор

Зголемен бројот на работници во индустрискиот сектор

Бројот на работниците во индустријата во првиот квартал годинава, во однос на истиот период лани е зголемен за 2,2 проценти. Во март оваа година споредено со истиот месец лани, бројот на работниците е зголемен за 0,9 проценти, соопшти денес Државниот завод за статистика.

Опаѓање на бројот на работниците за 4,3 проценти во март годинава спореден со март лани има во секторот „рударство и вадење камен“, за 3,1 процент во „снабдување со електрична енергија, гас, пареа и климатизација“, а пораст од 1,6 проценти во секторот „преработувачка индустрија“.

Според главните индустриски групи, бројот на работниците во индустријата во март  година, во однос на март лани бележи пораст кај „интермедијарни производи, освен енергија“ за 3,5 проценти, „капитални производи“ за 15,4 проценти и „трајни производи за широка потрошувачка“ за 2,5 проценти. Опаѓање има кај „енергија“ за 6,6 проценти и „нетрајни производи за широка потрошувачка“ за 1,6 проценти.