Жестоки борби се водат во украинскиот град Славјанск и во неговата околија, во Доњецката област, во кои загинале четири лица, а околу 30 се ранети.
Според информација, која ја објави украинската новинска агенција УНИАН, во борбите загинале четворица припадници на министерството за внатрешни работи на Украина.
Исто така и 30-те ранети се припадници на украинските безбедносни сили.
„Тактиката на напаѓачите, е да се заштитат со жив штит од локалното цивилно население. Освен тоа, местните жители соопштуваат дека напаѓачите им ги палат домовите и пукаат во нив. Има жертви и меѓу локалното население. Борбите продолжуваат со несмален интензитет“, наведено било во информацијата до јавноста од прес-центарот на МВР на Украина.
Доколку преземете содржина од оваа страница, во целост сте се согласиле со нејзините Услови за користење.